Deputetja e Partisë Demokratike Flutura Açka i ka tërhequr vëmendjen deputetëve socialist, Toni Gogu dhe kryetarit të grupit parlamentar të PS-së, Taulant Balla të cilët ngritën lart një letër në të cilën ishte vizatuar një rrush ndërkohë që po fliste deputetja e PD-së Ina Zhupa.
Pa përmendur emra apo vetë veprimin Açka tha se i bëri përshtypje një veprim i tyre, që mund të ketë qenë në sensin e humorit, por që sipas saj ishte seksizëm i pastër.
“Nuk kisha gjë por më bëri përshtypje një veprim që bënë kolegët e mi, deputetët e pushtetit, mund të jetë në humor por është seksizëm i pastër. Po flasim për verën por nuk besoj se po pimë që të jenë dehur, herën tjetër bëjmë kujdes”, tha Açka.
