Një ditë pas paradës spektakolare të kombëtares argjentinase nëpër rrugët e Buenos Aires-it, Lionel Messi përmes një postimi në Instagram ka dërguar mesazhin e tij special për bashkatdhetarët.
Messi realizoi ëndrrën e tij duke fituar Kupën e 3-të Botërore në historinë e Albiceleste-s.
Në kthimin në atdheun e tij nga stadiumet e Katarit ai kuptoi përmasat e suksesit përmes shfaqjeve të adhurimit në fytyrën e tij.
Ai ndihet mirënjohës për gjithë këtë dashuri të madhe që mori dhe e tregoi atë përmes rrjeteve sociale.
“Mos u mundo ta kuptosh. ARGJENTINË, përmes të mirave dhe të këqijave, TË DUA”, ka shkruar 35-vjeçari.
Postim i cili ka grumbulluar mbi 9.000.000 pëlqime brenda një ore nga publikimi.
