Sonila Qato, ish-drejtoresha e ARRSh-së, shkoi këtë të premte sërish në SPAK në lidhje me tenderin e rrugës Kardhiq-Delvinë. Në këtë seancë paraprake ishte planifikuar përballja em dëshmitarin.
Ky i fundit nuk u paraqit në seancë. Qato akuzohet për shpërdorim detyre dhe garën e padrejtë me tenderët.
Dosja në fjalë po ndiqet nga vetë shefi i SPAK, Altin Dumani, ku nën akuzë janë vënë edhe anëtarët e Komisionit të Vlerësimit të Ofertave për tenderin objekt hetimi.
Kallëzimi penal është bërë në SPAK në muajin shtator 2019 nga kompania “Gjoka Konstruksion”, e cila pretendoi se është përjashtuar në mënyrë të padrejtë dhe antiligjore nga gara.
Kjo situatë solli edhe dorëheqjen e Sonila Qatos nga funksioni i drejtimit të ARRSH-së.