Ish-anëtari i Kryesisë së Partisë Demokratike, Roland Bejko, i ftuar në ‘5 Pyetjet’ nga Ilir Babaramo, u shpreh se prej më shumë se një viti, PD është e ndarë në tre pjesë, ndërsa shtoi se nuk sheh asnjë Rithemelim, pasi Berisha, sipas tij, ka marrë pas vetes të njëjtat figura që ka pasur në 2013-n, dhe që ia trashëgoi edhe Lulzim Bashës.
Sipas Bejkos, PD ashtu sikurse lideri i saj, është një parti tërësisht e izoluar dhe nuk ka asnjë kontakt me asnjë nga strukturat ndërkombëtare.
‘Prej më shumë se 1 viti PD është e ndarë në tre pjesë. Është Rithemelimi, është pjesa që përfaqësohet nga Alibeaj, është edhe pjesa e tretë e atyre që janë neutralë, që nuk janë as andej, e as këtej. Nuk shikoj gjë rithemelim. Shikoj një parti tërësisht të izoluar, së bashku me liderin e vet.’, u shpreh ndër të tjera në fjalën e tij ish-anëtari i Kryesisë së PD, Roland Bejko në ‘5 Pyetjet’.
