Duket se çifti në kërcim Elhaida Dani dhe balerini Lediani po i bëjnë gjerat serioze në lidhje me marrëdhënien e tyre dashurore.
Prej dy javësh vetë çifti bënë të ditur se diçka kishte lindur mes tyre.
Ata kanë kaluar natën e Krishtlindjeve pranë familjes së Elhaidës. Ka qenë kjo e fundit e cila ka publikuar një video në Instagram ku na e zbulon vetë këtë. Gjithashtu dhe Ledian na ka treguar se ndodhet në Shkodër, aty ku jeton dhe familja e partneres së tij.
“Ne e dinim që diçka e tillë po kuptohej nga java në javë nga publiku, nga produksioni patjetër, mes kolegëve dhe konkurrentëve të tjerë edhe e ndjenim që ishte momenti ta ndanim ndoshta. Por jo aq shumë sepse është diçka kaq e shenjtë, delikate dhe e bukur. Ne do të donim shumë që ta mbanim për veten tonë akoma, të ndajmë me publikun atë që ndodhi sonte por jo më gjatë. Ka qenë një eksperiencë e paharrueshme sido që të shkojë ‘Dancing’”, ka treguar Elhaida.
