Policia greke ende nuk ka asnjë të arrestuar për vrasjen e dy shqiptarëve, Kreshnik Çerçizaj dhe Armando Organja më 18 Dhjetor në një lokal në Athinë.
Dyshimet kryesore janë se mund të jetë porositur nga burgjet e Greqisë. Mediat kryesore greke ekzekutimin e dyfishtë e lidhin me vrasjen e Edmond Papës më 16 Dhjetor në zonën e Selitës.
Lidhja që krijohet mes ngjarjeve të rënda kriminale vjen për shkak të njohjes që kishin viktimat me njëri-tjetrin, por dhe të së kaluarës së tyre në fushën e narkotikëve.
Autoritetet greke po hetojnë edhe një shqiptar të njohur për drejtësinë e vendit fqinj, Klodian Lekocajn, i konsideruar si kreu i një grupi vrasësish me pagesë.
Mediat greke shkruajnë se forcat speciale e kontrolluan qelinë e tij vetëm 2 ditë pas ekzekutimit të dyfishtë, në përpjekje për të gjetur prova.
“Kam lindur vrasës, do të vdes vrasës…” është një nga shprehjet që mediat greke hapin shkrimin e gjatë për të kaluarën e errët të Lekocajt ku tashmë janë përqendruar hetimet.
Vrasja e biznesmenit në Tiranë, pronari i lokalit: Telefonova policinë, më dilte sekretaria
