Me fillimin e sesionit të ri parlamentar në janar pritet që në komisionet parlamentare të nisin diskutimet për një vendim të qeverisë që ka nxjerrë për konsultim një draft që ka si objektiv që të ndryshojë legjislacionin në fuqi dhe t’i japë të drejtë kompanive private të tregtojnë armë të renda brenda dhe jashtë vendit.
Në ligjin për armët të vitit që pësoi ndryshimet e fundit në vitin 2020 nuk ka qenë parashikuar dhënia e licencës për tregtim të armëve, por vetëm për aftësim teorik dhe praktik të personave, pra trajnimin.
Tashmë, dy vite më pas, qeveria ka ndryshuar mendje dhe synon të korrigjojë këtë mungesë duke shtuar edhe termin “licencë për tregtimin e armëve”, duke shprehur gatishmërinë e saj për të lejuar shitjen e armëve të kategorisë B, përmes një ose disa kompanive që mund të licencojë të në ardhmen.
