Ministri i Drejtësisë Ulsi Manja u pyet sot pas mbledhjes së qeverisë, në cilësinë e ish-prokurorit, se si ka mundësi që policia i shkon për kontroll Ervis Martinajt në shtëpi 8 muaj pasi u shpall në kërkim dhe më shumë se 4 muaj pas zhdukjes.
Gazetarët e pyetën se përse nuk u procedua asnjë person, familjar edhe pse u gjet një arsenal armësh brenda rrethimit të vilës, a ka frikë qeveria nga Ervis Martinaj? Manja u shmang duke e kaluar “topin” te institucionet e tjera.
“Unë dua ta nis te fillimi i pyetjes, ti iu drejtove ish-prokurorit, unë sot jam ministër i Drejtësisë, besoj fort në ndarjen e pushteteve.
Me këtë duhet të merren organet e tjera ligjzbatuese, duhet të merret prokuroria dhe policia. Edhe për policinë ka një ministër përgjegjës që është kolegu im Çuçi” tha ai.
