Ekipi katalanas, Barcelona është afër një marrëveshjeje për të zgjatur kontratën e mbrojtësit, Alejandro Baldes.
La Blaugrana janë vendosur për një afat të qetë transferimi këtë janar, pasi vazhdojnë të luftojnë kundër pasigurisë financiare në klub me rinovimin e kontratave në prioritet.
Hierarkia e klubit ka qenë në bisedime me Balden dhe përfaqësuesit e tij në javët e fundit pas rritjes së tij të shpejtë në skuadrën e parë këtë sezon.
Mbrojtësi 19-vjeçar u përfshi në skuadrën e Spanjës për Kampionatin Botëror, me Barcelonën që kërkon të përmirësojë kushtet e kontratës së tij dhe ta lidh atë me klubin deri në vitin 2026 nga skadimi i tij aktual në 2024.
Një raportim nga Marca pretendon se të dyja palët janë të sigurta për një marrëveshje, por një njoftim për rinovimin mund të marrë pak kohë.
Raportimi shton se Barcelona do të synojë gjithashtu të mbështetet në marrëdhëniet e tyre pozitive me agjentin e Baldes, Jorge Mendes, për të përfunduar një lëvizje të mundshme verore për portugezin Ruben Neves.
