Me veshje popullore dhe flamurin shqiptar një grup qytetarësh kanë protestuar në mbështetje të Kosovës paraditen e sotme para ambasadës së Serbisë në Tiranë.
“Eja mblidhuni këtu, këtu, bashkë me ne”! “Jetën e japim, Mitrovicën nuk e japim”, ishin këto disa nga thirrjet e qytetarëve.
Protestuesit mbajnë pankarta në duar ku shkruhej “Gjithë trojet shqiptare janë me ty Kosovë”, “Jo republika serbe në Kosovë”.
Protesta ka për synim mbështetjen ndaj Kosovës mes tensioneve me Serbinë në Mitrovicë. Prej 18 ditësh barrikadat kanë bllokuar veriun, ndërsa sot janë vendosur dy të reja në Mitrovicë.
