Gjykata e Tiranës la sot në burg Fatjon Lucën, autorin e plagosjes së trefishtë mbrëmjen e së dielës në Bathore. Të plagosur mbetën Hafuz Troci, M.L dhe B.C, ky i fundit 15-vjeç që janë familjarë të palëve të përfshira në konflikt.
Sherri ndodhi pas dasmës, autori e priti Trocin të dilte nga dasma dhe e ka ndaluar teksa ishte drejtuar për tek banesa që e kishte pranë vendit të ngjarjes për t’i kërkuar një borxh të pretenduar. Luca tha se i kishte dhënë 500 euro të cilat sipas tij, Troci nuk ia ka kthyer.
Autori ka pranuar kryerjen e veprës penale ndërsa ka përmes mbrojtësit ligjor, të bëhet një ekspertizë ndaj të dëmtuarve për të përcaktuar shkallën e dëmtimit të tyre që të mund të përcaktohet nëse ka qenë plagosje e rëndë apo e lehtë.
