Tronditet Lushnja! Një shpërthim me eksploziv shkaktoi tronditje, por për fat të mirë jo të lënduar. Shënjestër ishte banesa e biznesmenit të fruta perimeve Altin Lamçe.
Brenda ishte familja me pesë anëtarë që po përgatitej për të festuar ardhjen e Vitit të Ri. Por rreth orës 19:00 në oborrin e shtëpisë shpërtheu një sasi e fortë eksplozivi. Shpërthimi ka shkaktuar dëme, por jo të lënduar.
Familja ka dalë e alarmuar duke njoftuar policinë, e cila ka mbërritur me shpejtësi duke rrethuar zonën. Ende nuk ka asnjë njoftim zyrtar për ngjarjen.
Kjo është hera e dytë që i vendoset eksploziv Lamçes. Hera e parë ishte në 1 Nëntor të këtij viti, ku sërish brenda ishte e gjithë familja.
Ngjarja e parë nuk është zbardhur dhe ndoshta as e dyta me këto rime të policisë dhe prokurorisë.
