Skena që të kujtojnë mizoritë në Iran me ekzekutimin e 22-vjeçares Mahsha Amini u shpalosën në Irak.
Këtë herë, qindra burra ndoqën dhe sulmuan një vajzë 17-vjeçare në Irak pasi ajo ishte veshur “në mënyrë të papërshtatshme” sipas mentalitetit të tyre.
Ngjarja tronditëse ndodhi në një garë me motoçikleta në rajonin kurd Sulaymaniyah të Irakut dhe video është marrë nga një konkurrent.
Turma e sulmoi 17-vjeçaren sepse ajo po tërhiqte vëmendjen e motoristëve në gara me veshjen e saj “të pahijshme”.
Në video shihet vajza që tenton të arratiset ndërsa meshkujt e ndjekin, e rrethojnë, e shkelmojnë dhe e quajnë “bushtër”.
Vajza shoqërohej nga shoku i saj mashkull, i cili tentoi të ndërhynte dhe ta shoqëronte drejt sigurisë. Por edhe ai u rrah dhe u godit me thikë nga turma sipas mediave lokale.
Gjashtëmbëdhjetë burra u arrestuan nga policia lokale në lidhje me ngjarjen dhe në zotërim të tyre u gjetën shumë thika dhe shpata.
