Dibran Hoxhaj ose ndryshe i njohur si “Kobra” ka qenë kryefjalë e mediave gjatë këtyre dy ditëve pasi vrau një 31-vjeçar nga Kukësi dhe plagosi një tjetër në lokalin e tij të natës ‘Kobra’ në Prizren.
Teksa tre kuksianët po largoheshin me makinë janë qëlluar me arme. Plumbat kanë prekur dy prej tyre dhe më pas ata janë nisur drejt spitalit të Kukësit, por Cengu ndërroi jetë rrugës.
Në media është diskutuar shumë edhe e shkuara e “Kobrës” i cili nuk ishte një emër i panjohur për policinë. Por si e mori emrin “Kobra”? Në një intervistë për “Prive” përpara se të arrestohej biznesmeni ka shpjeguar se emrin e gjarprit e ka marrë pasi kështu quhej biznesi i tyre familjar.
“Si familje punojmë në Europë. E ka kanë pa një firmë babai dhe xhaxhallarët që është quajtur “Kobra”. Dhe ashtu na kanë quajtur mua dhe vëllezërit, pastaj është bërë e madhe me problemet që kanë ndodhur rreth lokalit.” ka thënë Hoxhaj.
