Kryetari i Partisë së Lirisë, Ilir Meta nuk pranoi që të komentonte largimin e deputetit të tij, Agron Çela drejt PS-së. Ai tha se askush nuk e dëmton ndikimin e PL-së dhe opozitës në Shkodër në zgjedhjet e 14 Majit.
“Nuk kam asnjë koment për lajmet e shpikura dhe të porositura nga rilindja. Nuk jam shqetësuar dhe nuk shqetësohem kurrë për merkatot e rilindjes.
PL do të jetë faktor vendimtar për të realizuar këtë ndryshim në të gjithë Shqipërinë. Nuk jam këtu për t’u marrë me cështje që i mbulon zonja Spiropali.
Nuk merrem me të deleguarën e rilindjes. Unë merrem me Edi Ramën. Regjimin mafioz të Ramës që do të çmontohet. Që nuk e shpëton asnjë përpjekje mafioze që ai bën” tha ai.
Agron Çela e konfirmoi pak ditë më parë ekskluzivisht për “5pyetjet.al” largimin nga Partia e Lirisë dhe negociatat e bashkimit me PS-në.
Ekskluzive/ Flet Agron Çela: E mbylla me Metën! Oferta nga PS dhe “xholi” për Shkodrën
