Zbardhet identiteti i pronares së banesës ku u krye grabitja e shumave të majme të parave dhe bizhuterive me vlerë, për të cilat u arrestua pastruesja dhe djali i kësaj të fundit.
Grabitja është kryer në banesën e Alda Klosit.
Banesa në fjalë ndodhet në Rrugën e Kosovarëve, ndërsa mendohet se vjedhja në fjalë ka ndodhur në datën 15 dhjetor.
Tashmë pas hekurave ndodhen Rozeta Dobi dhe djali i saj, Havier Dobi.
Në banesën e tyre u sekuestruan dje shuma të mëdha parash, ndërsa sot policia bëri një kontroll tjetër ku gjeti mbi 400 mijë euro.
Mësohet se pastruesja ka mbi 5 denoncime për raste të mëparshme ku thuhet se ka vjedhur në banesat ku ka punuar më herët.
