Sot një tjetër shumë e konsiderueshme parash janë sekuestruar në banesën e Rozeta dhe Havier Dobit, nënë e bir të cilët u arrestuan një ditë më parë pasi kishin grabitur 130 mijë Euro në një shtëpi.
“5pyetjet.al” kontaktoi me bashkëshortin e Rozetës, të atin e Havierit i cili u shpreh “nuk dua të flas për këtë punë”.
Policia e Tiranës njofton këtë të dielë se në uniformat blu bënë edhe një tjetër kontroll në banesën e tyre dhe zbuluan 404,800 Euro, 8500 Dollarë dhe aksesorë floriri, të gjitha të fshehura në tubin e aspirimit.
Dje u arrestuan dhe ju sekuestruan 58,150 Euro, 7000 Dollarë, 368 000 Lekë, disa sende prej floriri, rrobat e përdorura për vjedhjen dhe këto 3 automjete, 2 nga të cilat dyshohet se u blenë me paratë e vjedhura.
Vjedhjen, Rozata e kishte bërë në bashkëpunim me djalin e saj Havier Dobi 23 vjeç. Ky i fundit reklamonte jetë luksose në rrjetet sociale. Policia nuk tregoi kush është pronarja e banesës.
