Sekretarja Organizative e Partisë së Lirisë, Elona Guri denoncon ndërtimet pa leje në mes të ditës në mes të Tiranës.
Ajo ka publikuar në Facebook një pallat ku sipas saj vazhdon ndërtimi pa leje.
“Tirana në shërbim të miqve klientë të dyshes Rama-Veliaj!
Para pak javësh, Rama nxori gjithë makinerinë e propagandës në terren duke i “sekuestruar” pallate ndërtuesve.
Ndërsa sot, avazi i ndërtimeve pa leje vazhdon. Ky ndërtim pa leje po kryhet mu në mes të Tiranës.
Madje, sipër kokës së drejtoreshës së IKMT, e cila banon tek ky pallat.
Edhe pse ky ndërtim pa leje duket qartazi nga rruga, as komshia drejtoreshë e IKMT, e as policia bashkiake e Erion Veliaj zgjedhin të mos e shohin!
Ky është shteti arbitrat e i korruptuar i Edi Ramës! Kjo është Tirana klienteliste e Erion Veliaj që merr fund në 14 Maj” shkruan Guri.
