Intervistat që ka dhënë Spartak Dobi, babai i 20-vjeçarit të arrestuar Havier Dobi në media në 24 orët e fundit janë të shumta. Ai ka vetëm një kërkesë lutje; më lironi djalin nga burgu, jo gruan.
Tashmë në pension, Dobi tregon momentin kur e gjeti djalin me pranga në shtëpi. “Policinë e gjeta këtu, djali ishte i lidhur. Më thanë që jot shoqe me djalin kanë vjedhur”.
Dobi akuzon se bashkëshortja e tij e ka keqpërdorur djalin. “Ajo merrte 800 mijë në muaj, punonte në 2 vende pune. Nuk e di si “iu ka prish radakja”, por do të dalë. Unë kam hall tani, të shpëtoj djalin. Ajo nuk e pranon, thotë “jemi një grup”.
Pse? Djali deklaron që nuk ka vjedh gjë djali, ti pse nuk tregon drejt? Pse nuk e merr vetë përsipër? Ta shpëtosh djalin? Sepse për atë më vjen keq, e kam rritur me kothere buke”, thotë ai.
Rozeta dhe Havier Dobi u arrestuan në fundjavë pas denoncimit nga ish-shefja e kabinetit të Arben Ahmetajt, Alda Klosi që tashmë punon në Autoritetin e Mbikëqyrjes Financiare.
E PLOTË/ Zhvillimet e fundit për “pastruesen e parave” që vodhi zyrtarët “VIP”
