Shkencëtarët e Bashkimit Evropian janë shprehur se 2022 ishte viti i dytë më i nxehtë i regjistruar në Evropë pasi ndryshimi i klimës shkaktoi temperatura ekstreme rekord që rezultuan në humbje të të korrave, tharje lumenjsh dhe mijëra vdekje.
Sipas Shërbimit Evropian të Ndryshimeve Klimatike Copernicus (C3S), viti 2022 ishte gjithashtu viti i pestë më i ngrohtë në botë me një diferencë të ngushtë.
C3S ka mbajtur të dhëna që nga viti 1950, por baza të tjera të dhënash më të mëdha konfirmojnë se viti 2022 ishte viti i pestë më i ngrohtë në botë që nga të paktën 1850.
Regjistrime të nxehtësisë në 12 vende evropiane
Tetë vitet e fundit kanë qenë më të ngrohtat e regjistruara në botë.
Temperatura e planetit tani është 1.2 gradë Celsius mbi nivelet para-industriale si rezultat i ndryshimeve klimatike të shkaktuara nga njeriu.
Sipas Copernicus, temperaturat në Evropë janë rritur më shumë se dyfishi i mesatares globale gjatë tre dekadave të fundit.
Zëvendësdrejtoresha e C3S, Samantha Burgess bëri thirrje për veprime urgjente për të reduktuar emetimet e dioksidit të karbonit (CO2) dhe për t’iu përshtatur kushteve klimatike në ndryshim.
Vera e kaluar ishte më e nxehta e regjistruar në Evropë, me temperatura që thyen rekorde në vende si Italia, Spanja dhe Kroacia.
Valët e të nxehtit intensive kanë rezultuar në më shumë se 20,000 vdekje në vende si Franca, Gjermania, Spanja dhe Britania.
E kombinuar me mungesën e ujit, nxehtësia shkaktoi një thatësirë të përhapur që sipas analizave fillestare ishte më e keqja në Evropë në 500 vjet.
27 anëtare të BE-së, Britania, Kanadaja, Japonia dhe vende të tjera janë zotuar të përmbushin këtë objektiv deri në vitin 2050 me Kinën dhe Indinë që synojnë ta arrijnë atë më vonë.
Pavarësisht këtyre premtimeve afatgjata emetimet globale janë ende në rritje.
Përqendrimet e dioksidit të karbonit në atmosferë ishin mesatarisht 417 ppm në 2022 – niveli më i lartë në më shumë se dy milionë vjet.
