Memphis Depay duket se do ta vazhdojë karrierën te Atletico Madridi, pasi sulmuesi i Barcelonës është objektivi i madh i Los Rojoblancos.
Sulmuesi holandez fiton garën mes opsioneve të ndryshme që Atletico Madridi kishte para vetes, pas largimit të Joao Felix.
Memphis me Barcelonën ka kontratë deri në fund të këtij sezoni dhe klubi e sheh si mundësi të mirë për të fituar para dhe përveç kësaj për kursimet në listën e pagave.
Dy faktorë të tjerë kyç që Atletico e do Depay-n kanë qenë eksperienca e tij në kampionatin spanjoll dhe nuk i duhet kohë të përshtatet dhe e dyta marrëdhëniet e mira mes dy klubeve.
Sulmuesi i Barcelonës, i cili ka shënuar 1 gol këtë sezon dhe 12 sezonin e kaluar, kishte rekordin e tij më të mirë të golave në Ligue 1 me Lyon me 76 gola në 178 ndeshje.
Pasi shkëlqeu në Eredivise te PSV me 50 gola në 124 ndeshje, koha e tij në Manchester United nuk ishte ajo që pritej me 7 gola në 53 ndeshje.
