Ministrja e Arsimit dhe Sportit, Evis Kushi në konferencën për mediat që mbajti ditën e sotme ka shpjeguar rregullat e reja që do të vendosen në shkolla. Duke marr shkaka nga abuzimet që kanë ndodhur nga mësuesit kundrejt nxënësve Kushi tha se mësuesit do t’i nënshtrohen një testi psiko-social.
“Për këtë arsye dhe në ligjin e ri që presim kemi përfshirë një nen ku të gjithë personat që kanë precedentë penalë të dhunës në familje, abuzimit seksual apo vepra penale ndaj institucioneve arsimore nuk lejohen të punësohen në institucione arsimore. Ka pasur raste dhe pas rehabilitimit të tyre.
Ka dhe raste të tjera që një mësues dhe pa pasur precedentë penale kryen vepër ndaj nxënësve dhe mësuesve. Për këtë arsye, përveç kritereve ligjore, kemi vendosur dhe testin psiko-social. Në tre muaj provë, vlerëoshet nga një komision i posaçëm nëse i plotëson të gjitha kriteret sa i takon aspektit social dhe psikologjik.”, tha Kushi.
