Një shpërthim i fortë ka ndodhur sot në mëngjes në Marussi. Sipas informacioneve, shpërthimi është shkaktuar nga një bombë, që shpërtheu në klubin e tifozëve të Panathinaikosit, në rrugën Anavryton të Athinës.
Shpërthimi ka shkaktuar vetëm dëme materiale në zonën poshtë klubit. Në vendngjarje menjëherë kanë mbërritur forcat e zjarrfikëseve, por ndërhyrja e tyre nuk ka qenë e nevojshme pasi nuk ka pasur zjarr, raporton Protothema.
Shpërthimi është dëgjuar në orën 03:45 të mëngjesit të së enjtes dhe ka trembur fqinjët, ndërkohë që hetimet e policisë po vijojnë, për të përcaktuar shkakun e saktë apo llojin e mekanizmit që mund të jetë përdorur. Në vendngjarje kanë shkuar edhe specialistët e policisë.
