Në Kremlin kanë nisur përgatitjet për zgjedhjet presidenciale në Rusi, të cilat pritet të mbahen në vitin 2024.
Zyrtarët e administratës së presidentit po nisen nga fakti se zgjedhjet pavarësisht luftës do të mbahen brenda afateve të përcaktuara në mars vitin e ardhshëm.
Kështu shkruan gazeta ruse Kommersant duke cituar burime pranë Kremlinit.
Amendamentet e bëra në Kushtetutën ruse në vitin 2020 “zerouan” mandatet presidenciale të Presidentit Putin duke e lejuar atë të kandidojë në vitin 2024 dhe 2030.
Vetë Putini, i cili ka qenë në detyrë që nga viti 2000 (me një pushim në periudhat 2008-2012, kur ishte Dmitry Medvedev i njëjti kryeministër dhe president) aktualisht nuk ka deklaruar nëse do të jetë apo jo kandidat.
“Nuk ka ende një skicë të qartë të një komponenti ideologjik, megjithëse supozohet se bazohet në temën e unitetit”, shkruan gazeta Kommersant.
Kremlini synon të testojë teknologji të ndryshme dhe “ide thelbësore” për vitin 2024 në zgjedhjet rajonale në vjeshtën e vitit 2023.
Burimet e Kommersant theksojnë se vëmendja do t’i kushtohet “shtresës së re” atyre që luftuan në Ukrainë dhe të afërmve të tyre.
Kremlini gjithashtu pret të punojë me elektoratin në territoret e reja të aneksuara të katër rajoneve të Ukrainës, duke supozuar se zgjedhjet do të mbahen edhe atje.
