Ka përfunduar “El Classico” i parë i viti 2023 ku pas një ndeshje shumë emocionuese dhe plot gola Barcelona u kurorëzua fituesja e Super Kupës së Spanjës.
Katalanasit arritën të mposhtin në stadiumin King Fahd Internationaltë madrilenët me një rezultat 3-1.
Barcelona arriti të dilte në avantazh që në minutën e 33 me golin e Gavit i cili arriti të kalonte mbrojtjen e Carvajal si dhe portierin, Courtois.
Por pjesa e parë nuk u mbyll me kaq pasi në minutën e 45 Lewandowski arriti të dërgonte saktë në portë një pasim nga Gavi i cili dyfishoi rezultatin për katalanasit.
Pjesa e dyte solli të tjera emocione dhe raste të cilat Barcelona i shfrytëzoi saktë duke sjellë golin e tretë të mbrëmjes.
Protagonisti i ndeshjes, Gavi dha një pasim fanatastik për Pedrin i cili në minutën e 69 fiku të gjitha shpresat e madrilenëve për një rikthim.
Benzema arriti të shënonte golin e nderit në minutat shtesë por pa e vendosur aspak në vështirësi ekipin katalanas.
Festa tashmë kishte nisur për tifozat e Barcelonës por mbetej vetëm fishkëllima e fundit për ti shpallur kampion të Super Kupës së Spanjës.
Maquilla el Real Madrid. Benzema, a la segunda hace el 3-1.#superSupercopa #LaCasaDelFútbol pic.twitter.com/dxojLvVfVB
— Fútbol en Movistar Plus+ (@MovistarFutbol) January 15, 2023
