Ish-portieri i njohur argjentinas, Hugo Gatti i është rikthyer të flas për fitoren e Argjentinsë në Kupën e Botës Katar 2022.
“El Loco”, futbollisti me më shumë ndeshje në historinë e kampionatit argjentinas (765) foli në lidhje me protagonistët e kombëtares latine.
Gatti thekson se nuk ishte Leo Messi lojtari më vendimtar në fitimin e Botërorit të tretë nga kombëtarja duke zgjedhur dy të tjerë përpara kapitenit.
“Jo, Messi nuk ishte vendimtar dhe i domosdoshëm. I tillë ishte Emiliano Martinez. Dibu ishte i jashtëzakonshëm: ai priti gjithçka, madje edhe penalltitë”.
“Edhe në minutën e fundit të ndeshjeve të ndryshme ai kreu pritje të shkëlqyera. Prandaj them se ai ishte vendimtar në fitoren e Argjentinës, dhe jo Messi”.
“Dua të them edhe një gjë tjetër. Në sulm, Di Maria bëri diferencën më shumë se Messi, për më tepër duke luajtur për Leon”, ka thënë Gatti.
