Kreu i bashkisë së Shkodrës Bardh Spahia deklaroi sot se banorët po lihen vetëm ndërsa është përsëritur e njëjta situatë me përmbytjet duke u kthyer në një barrë në xhepat e tyre.
“Përsëritet e njëjta situatë. Problematikat janë të shumta. Mungesa e energjisë për fshatrat është kthyer në problem serioz.
Duhet vënë dorë njëherë e mirë për këto banorë. Duhen masa afatgjate. Mjaft është mjaft, banorët të mos lihen të vetëm.
Është një barrë ekonomike në xhepat e këtyre banorëve, po lihen në vetmi. Akush nuk merr përsipër kompensimin e dëmëve.
KESH përvec se të përfitojë nga shitja e energjisë, të marrë përsipër dëmin e banorëve. Ngre dyshimet e mija për menaxhimin e kaskadës së Drinit” tha ai.
