Mijëra njerëz morën pjesë në një protestë në qendër të Madridit këtë të shtunë kundër qeverisë socialiste të Sanchez të cilën ata e akuzojnë se po minon Kushtetutën e vendit.
Rreth 30 000 njerëz u mblodhën në Plaza de Cibeles përballë Bashkisë së Madridit sipas vlerësimeve të autoriteteve lokale.
Tubimi u thirr nga mbi 100 shoqata nën sloganin “Për Spanjën, për demokracinë dhe kushtetutën”, për të protestuar kundër çështjeve që protestuesit besojnë se kërcënojnë kushtetutën spanjolle, duke përfshirë separatizmin në Katalonjë.
Protesta u mbështet nga Partia Popullore konservatore, Ciudadanos e qendrës së djathtë dhe Vox e ekstremit të djathtë, lideri i së cilës Santiago Abascal e quajti qeverinë aktuale “qeveria më e keqe në histori”.
