Presidenti turk, Rexhep Tajip Erdogan tha se partia qeverisëse po përgatit një projektligj për të lejuar individët dhe bizneset private të ristrukturojnë borxhin publik.
Projektligj i cili është një nga masat më dramatike që ai ka premtuar përpara zgjedhjeve.
Ndryshimet që priten të miratohen nga partia AK do të heqin tarifat e vonuara të pagesave për faturat e papaguara të taksave, borxhet e sigurimeve shoqërore dhe detyrime të tjera, tha presidenti turk pas mbledhjes së kabinetit.
Ai gjithashtu do të lejojë individët dhe kompanitë të paguajnë borxhet e papaguara me këste pas ristrukturimit me një normë të caktuar interesi.
Sipas Reuters, njoftimi vjen pasi Erdogan përballet me atë që shihet si sfida më e madhe për qeverisjen e tij 20-vjeçare në zgjedhjet parlamentare dhe presidenciale që do të mbahen më 14 maj.
Qeveria turke ka rritur tashmë shpenzimet ka ulur moshën e daljes në pension dhe ka dhënë rritje të konsiderueshme të pagës minimale dhe pensioneve.
