Ish-ministri i Financave Shkëlqim Cani dëshmoi sot për më shumë se dy orë në SPAK për privatizimin e një godine. Ai u pyet si person që ka dijeni për hetimin, por nuk pranoi që të jepte detaje. “Është sekret hetimor” tha ai.
Cani u pyet nga gazetarët për dosjen e inceneratorëve ku u shpreh se është gati të përgjigjet nëse do të thirret nga SPAK-u. “Sot nuk më kanë thirrur për inceneratorët. Për pozicionin e Arben Ahmetajt pyesni kryeministrin, cfarë pozicioni ka pasur.
Një ministër ka qenë. Unë e di se çfarë kam firmosur. Unë i kam lënë me shkrim gjërat. Pyesni SPAK-un nëse ka ndërmend të më thërrasë (për inceneratorët).
Në jetën time kam kaluar kaq shumë sa nuk më surprizon asgjë. Jam gati të paraqitem për të treguar vetëm të vërtetën. Asnjë surprizë. Pres drejtësi. Ligj. Rregull” tha ai.
