Pas kërkesës për ndihmë nga 5 të rinjtë e bllokuar në Fushë të Zezë janë nisur Forcat e Ndërhyrjes së Shpejtë.
Atyre u duhet të udhëtojnë nga Razma 20 kilometra në këmbë për të arritur në destinacionin ku të rinjtë ndodhen.
Në këtë zonë kanë mbetur të bllokuar në borë 5 të rinj nga Bajza e Kastratit, të cilët kishin shkuar për të rrëshqitur me ski.
Njëri prej të rinjve ka shqetësime shëndetësore, por pa rrezik për jetën ndërsa të tjerët janë në gjendje të mirë.
Të rinjtë janë strehuar në një stan veror deri sa të mbërrijnë grupet e gatshme të policisë.
