Kryetar i Grupit PPE në Parlamentin Evropian, Manfred Weber është shprehur se BE duhet të marrë masa për ndryshime thelbësore në procedurat e azilit në BE.
Weber përpara debatit për migracionin në seancën plenare njoftoi se nëse është e nevojshme duhet të ndërtohen gardheve në kufijtë e BE-së.
“Nëse është e nevojshme, ndërtimi i gardheve në kufijtë tanë të jashtëm duhet të jetë i përshtatshëm për financimin e BE-së – nuk duhet të refuzojë të financojë masa të tilla. Gardhet janë gjithmonë zgjidhja e fundit, por ne kemi nevojë për to kudo ku bandat e trafikimit përpiqen me sukses të anashkalojnë ligjin evropian.
Ne duhet t’i përgjigjemi edhe pyetjes nëse kërkesat për azil mund të dorëzohen jashtë BE-së”, theksoi Weber.
Grupi PPE miratoi një dokument qëndrimi që përshkruan propozimet e politikave për azilin dhe imigracionin.
“Ne duhet të kemi një politikë evropiane që mbron fuqishëm kufijtë. Ne duhet të bëjmë dallimin midis refugjatëve dhe emigrantëve ekonomikë dhe të kthejmë në thelb të gjithë ata që nuk kanë nevojë për mbrojtje ndërkombëtare ”, vuri në dukje ai.
