Disa persona janë shoqëruar në lidhje me shpërthimin me tritol që rrafshoi hotelin në Sarandë mëngjesin e kësaj të hëne.
Të shoqëruarit janë anëtarë të dy familjeve, Spiro Çambiri dhe Dhimitër Evangjeliu që kishin në pronësi hotelin.
Dridhet toka! Momenti i shpërthimit të hotelit në Sarandë- VIDEO
Ndërkohë nga Tirana në Sarandë pritet të shkojnë ekspertë xhenierë, për të përcaktuar llojin e lëndës plasëse dhe sasinë e vendosur në hotel.
Shpërthimi ndodhi në orët e para të mëngjesit të sotëm, ndërsa policia thotë se dy bashkëpronarët kanë qenë në një proces gjyqësor për pronësinë.
Shpërthimi i fuqishëm në hotel ‘Bizanti’ në Sarandë, kush është një prej pronarëve!
Nga shpërthimi pati dëme të konsiderueshme, që u shkaktuan edhe në banesat dhe bizneset që ndodheshin përreth.
Për fat të mirë nuk pati persona të lënduar, por ngjarja ka shkaktuar panik te banorët.
