Partia Drejtësi, Integrim dhe Unitet ka uruar 15 vjetorin e pavarësisë së Kosovës. Në një postim në Facebook, PDIU përkujton burrat dhe gratë që dhanë jetën për Kosovën e lirë.
“PDIU uron Gëzuar ditën e Pavarësisë Kosovë! Sot Republika e Kosovës feston 15 vjetorin e saj. Janë vite të mbushura me punë, përpjekje, zhvillim, po edhe goditje në rrugën e progresit dhe njohjeve të saj.
Në këtë përvjetor të festës së Republikës së Kosovës përkujtojmë burrat dhe gratë që dhanë jetën për Kosovën e lirë dhe nderojmë përkushtimin e komandantëve dhe luftëtarëve të UÇK-së
Liria ka emër!!! Urime Kosovë! Qofshim përherë bashkë” mbyllet postimi.
