Pas 11 ditëve janë kthyer në Tiranë tre ekipet e kërkim shpëtimit që shkuan nga Shqipëria në Turqi për të ndihmuar për shpëtimin e qytetarëve nën rrënoja.
“Krenari dhe mirënjohje pafund për 3 ekipet e vajzave dhe djemve nga Forcat e Armatosura, Emergjencat Civile dhe ekipet shëndetësore që kontribuuan përgjatë 11 ditëve në operacionet e kërkim-shpëtimit në zonat e shkatërruara nga dy tërmetet e fuqishme në Turqi.
Ata u nisën për t’u kthyer në Atdhe, duke marrë me vete edhe respektin e popullit turk, që njëherësh është vlerësim për Shqipërinë tonë. Të gatshëm dhe solidarë sa herë të jetë nevoja për kontributin tonë” shkruan ministri Niko Peleshi.
