Një katastrofë bërthamore mund të kishte ndodhur në Ukrainë, pasi dy raketa ruse fluturuan shumë pranë një termocentrali në jug të vendit.
Lajmin e kanë bërë të ditur mediat e huaja, sipas të cilave EnergoAtom tha se zbuloi dy raketa lundrimi në afërsi të termocentralit bërthamor të Ukrainës Jugore, që ndodhet afër qytetit të Yuzhnoukrainsk, rreth orës 8:30 të mëngjesit të djeshëm.
Kompania i bëri thirrje Agjencisë Ndërkombëtare të Energjisë Atomike (IAEA) të marrë “të gjitha masat e mundshme për të ndaluar terrorizmin bërthamor rus”.
Një deklaratë në faqen e saj të internetit tha: “Objektet ajrore po lëviznin përgjatë lumit South Bug në drejtim të qytetit të Pervomaisk, rajoni i Mykolaiv dhe fluturuan në mënyrë të rrezikshme pranë objektit bërthamor.
“Kërcënimi për të goditur reaktorin me pasoja të mundshme për një katastrofë bërthamore ishte shumë i lartë”, tha më tej ai.
Kujtojmë se kërcënimi rus për reaktorët bërthamorë në ukrainë ka qenë i shpeshtë, ku kujtojmë se në Zaporizhzhia u regjistruan disa incidente më herët, të cilat mund të çonin në katastrofa bërthamore.
