Arrestohen dy policë të kufirit në Malin e Zi për dhunën që ushtruan ndaj Petraq Milos. Pas seancës, prokurori i Ulqinit urdhëroi policinë që të arrestojë Nikolla Boljeviq dhe Dragan Shqekiq, të cilët dyshohet se janë autorë të incidentit të ndodhur më 15 janar në pikën kufitare Sukobin-Muriqan.
Kryeministri i Malit të Zi, Dritan Abazoviç tha sot se zyrtarët që i tejkalojnë kompetencat e tyre duhet të ndëshkohen në mënyrë adekuate, por, shtoi se “ka edhe një anë tjetër të medaljes” duke theksuar se në video nuk shihet se veprimeve të policisë u ka paraprirë një kundërvajtje.
“Nuk është se dikush e ka vënë në shënjestër dikë dhe e ka nxjerrë thjesht nga makina. Dikush duhet të ketë bërë shkelje. Nuk janë respektuar rregullat e komunikacionit dhe radhët”, tha Abazoviç.
Por çfarë mendon vetë protagonisti i kësaj dhune? “5pyetjet.al” kontaktoi zotin Milo, i cili nuk pranoi që të fliste gjatë duke u shprehur se do ta ndjekë deri në fund në rrugë ligjore. “Do ta ndjek në rrugë institucionale” tha Milo për “5pyetjet.al”. Dhe pasditen e sotme erdhi reagimi i parë nga drejtësia.
Abazoviç dhe dhuna në kufi! Milo për “5pyetjet.al”: Do ta ndjek në rrugë ligjore
