Zbardhen detaje të reja nga arrestimi i Amar (Dritan) Shkëmbit 39-vjeç në Dubai. Në momentin që u shpallën urdhër arrestet nga SPAK, ai dyshohet se u njoftua dhe u arratis. Policia në Dubai e kishte në vëzhgim prej disa ditësh. Në momentin e ndalimit ai ka bërë rezistencë, pasi nuk kishte kartë identifikimi.
Gjykata e Posaçme kundër Korrupsionit dhe Krimit të Organizuar vendosi masën arrest me burg në mungesë ndaj Dritan Shkëmbit për përfshirje në atentatin e organizuar ndaj ish prokurorit të Durrësit, Arjan Ndoja në vitin 2019.
39 vjeçari dyshohet se bashkë me dy persona të tjerë ka qenë në makinën që ka hapur zjarr ndaj automjetit ku ndodhej ish prokurori Arjan Ndoja që po qarkullonte në mbikalimin e Shkozetit në rrugën ‘Tiranë-Durrës’ bashkë me “Rrumin” e Shijakut, Pëllumb Muharremi.
Dritan Shkëmbi i shpallur në kërkim nga SPAK, njihet si anëtar i bandës së Plaurent Dervishajt. Tashmë pritet ekstradimi i tij në Shqipëri për t’u përballuar me drejtësinë.
Të arrestuar:
Bashkim Haxhija
Marsel Decka
Endrit Sinani
Genti Ndërjaku alias Kili Ndërjaku
Juljan Pjetri
Amar (Dritan) Shkëmbi
Në kërkim:
Plarent Dervishaj
Julian Meçaj
Ramazan Rraja
Krahu i djathtë i bosit të Durrësit! FOTO-Ky është “ushtari” që donte të vriste prokurorin
