Tre të rinj janë hedhur nga ballkoni i katit të tretë në një apartament pranë zonës së “Pazarit të ri” në Tiranë. “5pyetjet.al” sjell pamjet nga operacioni.
Një informacion çoi policinë me shpejtësi pasi fqinjët dyshonin se brenda apartamentit ishin disa të rinj që e kishin me qira merreshin me drogë. “Po vjen një e çuditshme” ishin bisedat mes fqinjëve.
Por në momentin që policia u kërkoi të hapnin derën, tre nga të rinjtë, sipas banorëve të zonës u hodhën nga ballkoni, dy u kapën.
“U hodhën dhe ikën. U arratisën nga pallati në ndërtim” tha një e moshuar për “5pyetjet.al”.
Policia rrethoi zonën. Dera e apartamentit ishte e mbyllur deri në mbërritjen e zjarrfikëses që e hapi.
