Kreu i Grupit Parlamentar të PS-së, Taulant Balla kur u pyet nëse ka luftë të brendshme mes Arben Ahmetajt, Edi Ramës dhe Erion Veliajt u shpreh se socialistët nuk e pengojnë drejtësinë që të veprojë.
“Çfarë s’kam dëgjuar. PS ka votuar një raport dhe ai qëndrim është qëndrimi ynë për këtë çështje. E vërteta është që PS-ja vazhdon t’i mbetet qëndrimit se jemi një republikë parlamentare, drejtësia bën punën e vet, Kuvendi bën punë ne vet dhe secili duhet të vazhdojë punën. Ne nuk jemi nga ata që pengon punën e drejtësisë.
Berisha e kandidoi për Himarën! Balla: Fredi Bejleri i dënuar për masakrën e Peshkëpisë
Ky ka qenë një nga rastet e pakta që ka pasur një raport të komisionit hetimor dhe është votuar. Kemi dhe një raport tjetër, për privatizimin e OSSH-së, ku shqiptarët humbën 418 mln euro. Unë e mbështes SPAK për hetimin, shqiptarët duan që të gjithë këto dosje, si Gërdeci, 21 Janari, CEZ/DIA të hetohen me paanshmëri dhe të vendoset drejtësi” theksoi Balla.
