40-vjeçari nga Kukësi që ekzekutoi dy persona në Kamëz nuk u ndal me kaq, pasi plagosi me thikë edhe të dashurën.
Pranë zonës së Paskuqanit, Hutra para se të shkonte te shtëpia e vjehrrit qëlloi me thikë duke lënë të plagosur të dashurën Marjana Gurakuqi. 40-vjeçarja ka një plagë në krah dhe është jashtë rrezikut për jetën.
Më pas Dan Hutra plagosi ish-partneren Elena Hysën 35 vjeçe dhe nënën e saj Kujtime Hysa 60 vjeçe dhe vrau Mevlute Hysën 30 vjeçe, që është motra e ish-bashkëjetueses së tij dhe Hasime Dafku 30 vjeçe, e fejuara e vëllait të ish-bashkëjetueses.
Autori i dyshuar është shpallur në kërkim dhe vijon puna për kapjen e tij.
