Grupi i Enkelejd Alibeajt ka regjistruar paraditen e sotme Partinë Demokratike në KQZ për zgjedhjet lokale të 14 Majit. Ishte Indrit Sefa, përfaqësuesi ligjor i grupit të Enkelejd Alibeajt që dorëzoi materialet me kërkesën.
Por kush e dha autorizimin? Kësaj pyetje, Sefa nuk iu përgjigj duke u larguar. “Nuk kam për të folur. Por po ju tregoj numrin e protokollit.
Tani e vlerëson KQZ. Është praktikë e përcaktuar në Kod” tha ai. Në shkresën e publikuar për mediat, thuhet se autorizimi është nga kryetari, por cili, Lulzim Basha që dha dorëheqjen vetëm “de facto”, por është ende “de jure” apo i komanduari Enkelejd Alibeaj?
Në Gjykatën e Tiranës figuron kryetar Lulzim Basha. Por, të njëjtën gjë, kërkesën për regjistrim e ka bërë edhe grupi i Sali Berishës, pavarësisht se Apeli i hoqi vulën e PD-së. Sonte deri në 23:59 minuta është afati i fundit për të dërguar kërkesat për regjistrim në zgjedhjet lokale.
Përballë dy kërkesave të fraksioneve në PD-së do të jetë KQZ që do të vendosë kë do të pranojë. Shanset janë zero që të pranohet grupi i Berishës.
Faksimile e kërkesës së PD-së zyrtare për regjistrim në KQZ
