Këngëtari Sabian Medini u bë pjesë e shtëpisë së “Big Brother Vip” të shtunën që lamë pas, për të qenë afër vajzës së tij Keisit, e cila po nis një romancë me Krist Aliajn.
Sabiani e ka thënë në të gjitha mënyrat se është kundër kësaj romance, megjithatë, ai dëshiron që ta mbajë ende Kristin në “Big Brother Vip.” Në një bisedë të bërë së fundmi me vajzën e tij dhe Kristin, Sabiani u shpreh se Kristi nuk duhet të dalë dhe pas të martës duhet të flasin, duke e lënë publikun në pritje se çfarë do të ndodhë e do të diskutohet mes tyre.
Kjo lëvizje e Sabianit vjen pas deklaratave të bëra më herët nga ai në shtëpi, ku ka shprehur se nuk ka hyrë në shtëpi për të penalizuar Kristin dhe lojën e tij, kështu me sa duket ai ka zgjedhur këtë mënyrë për ta ndihmuar Kristin t’i shpëtojë nominimit përballë Oltës dhe Armaldos.
Duke e shtyrë diskutimin e tij me Keisin dhe Kristin pas të martës, Sabiani lë publikun në pritje për të parë se çfarë do të ndodhë, duke mbajtur ende edhe Kristin në lojë.
“Kristi nuk duhet të dalë, pas të martës do të flasim bashkë të gjithë. Nuk do dalësh, do rrish këtu, po dole ti, dal unë i pari. Do ulemi, do flasim, dua t’u shoh, ta dinë edhe njerëzit”- u shpreh Sabiani.
