Kryetari i PR-së, Fatmir Mediu nuk është paraqitur në seancën e gjyqit paraprak në Gjykatën e Posaçme për dosjen “Gërdeci” e cila u shty për në mars. Ai kishte zgjedhur që të përfaqësohet nga avokatët, Ardian Visha dhe Henrik Ligori.
Gjyqtarja Irena Gjoka e shtyu vendimin për shkak të mungesës së prokurorëve. Avokatët kërkojnë pushimin e çështjes me argumentin se është parashkruar. Në rast se çështja nuk pushohet, avokatët do të kërkojnë gjykim të shkurtuar.
Në seancë ka qenë edhe familja Durda, Zamira dhe Feruzan Durda, të cilët humbën fëmijët e tyre vetëm 7 vjeç nga shpërthimi i Gërdecit.
