Reshjet e dendura te shiut me intensitet të lartë kanë krijuar probleme në Lezhë. Vërshimi i ujërave solli përmbytje në blloqet e banimit “11 janari” dhe 11.2 hektarë te lagjes “Besëlidhja”.
Niveli u ujit arriti deri ne 30 cm duke bllokuar hyrjen e disa pallateve, si dhe u krijua vështirësi në lëvizje për këmbësoret dhe automjetet ne keto blloqe banimi.
Situata e krijuar vuri menjëherë në lëvizje Drejtorinë e Shërbimeve Publike ne Bashkinë Lezhë. Punëtoret e shërbimeve ndërhyn në largimin e inerteve nga pusetat me qëllim evadimin e shpejtë të ujërave.
Kjo është një situatë e vazhdueshme në Lezhë kur ka reshje të dendura shiu, pasi kanalizimet nëntokësore nuk e përballojnë nivelin e prurjeve.
Ky problem pritet të marrë zgjidhje me zbatimin e projektit të kanalizimeve të ujerave të bardh dhe të zeza, Investim që pritet të nisë se shpejti më financim te KFW-së Gjermane.
