Tre të rinj humbën jetën në një aksident tragjik mbrëmjen e së enjtes në Tiranë.
Inxhinieri Alfred Hasanaj ka rindërtuar në një video 3D aksidentin e regjistruar tek rreth-rrotullimi i Saukut në Tiranë ku vdiqën: Klevis Ruçaj, 20 vjeç; Sikela Përroi, 23 vjeçe dhe Erisilda Abedini 22 vjeçe.
Makina tip “Audi” që drejtohej nga Klevis Ruçaj vjen nga unaza lindore dhe e merr rrethin drejt duke thyer barrierat dhe përfundoi në krahun tjetër të korsisë së autostradës duke përfunduar mbi kofanon e një automjeti “Honda”.
“Audi” ka fluturuar rreth 50 metra pas thyerjes së barrierave dhe shkak dyshohet të ketë qenë shpejtësia e lartë me 150 deri në 200 km/h.
