Falsifikoi dokumentet për të ndryshuar kufijtë e pronave, arrestohet ish-punonjësi i zyrës së Kadastrës në ish-komunën Dushk. Ai është Agim Gjyla 64 vjeç, banues në fshatin Dushk.
Gjyla ishte shpallur në kërkim, pasi Gjykata e Shkallës së Parë Lushnjë e ka dënuar me 1 vit burgim, për veprën penale “Falsifikimi i dokumenteve”.
Agim Gjyla në vitin 2018 gjatë kohës që ka qenë punonjës i zyrës së Kadastrës në ish-komunën Dushk, ka falsifikuar disa dokumente, me qëllim për të ndryshuar kufijtë e pronave.
Materialet procedurale i kaluan Prokurorisë, për veprime të mëtejshme.
