Fotot që shihni janë nga brenda “Audit” të Altin Morinës shefit të trajnimit pranë repartit RENEA i cili është arrestuar ditën e sotme, pasi ju gjetën 113 mijë euro, rreth 290 mijë lekë të rinj dhe 80 paund në makinë.
Gjithashtu mediat raportojnë se Morina kishte ishte në makinë me një nga personat e dyshuar të atentatit në “Don Bosko”.
Gjithashtu mediat raportojnë se në automjetin e efektivit 40-vjeçar është gjetur një sasi e konsiderueshme parash.
Kujtojmë që nga atentati që ndodhi pak ditë më parë në Don Bosko mbeti e vdekur banakierja Mimoza Paja, 58 vjeçe dhe pesë të tjerë u plagosën, mes tyre dhe një vajzë 10-vjeçare që u dëmtua nga xhamat e thyer.
Të plagosurit e tjerë janë Sahit Murati (xhaxhai i Fatjon Muratit), Astrit Meraj, Emanuel Sala, Ermir Bejuku, Genc Shohalli, të gjithë jashtë rrezikut për jetën.
Miqësi me atentatorët e “Don Boskos”? Si u kap polici me makinën plot me lekë?
Murati vetë ndodhej jashtë Shqipërisë në momentin që u krye atentati. Ai është i njohur në botën e krimit dhe si miku i ngushtë i Endrit Dokles, madje është marrë në pyetje për masakrën e Fushë Krujës, ku mbeti i vrarë Brilant Martinaj me dy miqtë e tij. Murati tashmë është shpallur në kërkim.
