Një ditë pasi ish Presidenti i SHBA-ve, Donald Trump paralajmëroi se do e arrestonin, një seri fotosh të tij duke u marrë me dhunë nga autoritetet bënë xhiron e rrjetit.
Në fakt, fotot janë bërë me Inteligjencën Artificiale, ose siç njihet ndryshe IA. Të montuara mjeshtërisht, mijëra njerëz menduan se Trump me të vërtetë u arrestua.
Fotot duken mjaft realiste çka bëri që të shpërndaheshin frikshëm në rrjet. Më pas, gjithçka u kthye në humor, siç zakonisht në mediat e huaja apo në internet shpesh herë ish Presidenti i SHBA-ve është protagonist.
Kujtojmë se pak kohë më parë, Donald Trump u bëri thirrje republikanëve të ngriheshin në protesta masive pasi pritej që ta arrestonin.
Donald Trump tha të shtunën se pret të arrestohet javën e ardhshme në lidhje me hetimin e bërë nga Prokurori i Qarkut të Manhatanit.
