Ish-kryeministri Sali Berisha akuzoi sot kompaninë Devolli për atë që po ndodh në televizionin “AbcNews”. Berisha u shpreh se me përzierjen e tij për hir të Edi Ramës në këtë televizionin “ka kryer një vepër shumë të rëndë” me spastrimin e gazetarëve.
“Publiku përjetoi vdekjen klinike të Abcnews. Një spastrim të paparë ndonjëherë ndaj gazetarëve vetëm sepse nuk mund të ishin një valë me Devollin që herë thotë e kam dhe herë nuk e kam televizionin. Devolli është vala e Ramës.
Devolli është vala e Ramës, prodhon birrë dhe dyshekë dhe aty është i suksesshëm, por me përzierjen e tij për hir të Edi Ramës ka kryer një vepër shumë të rëndë. Personi i fundit që ka ngelur aty, si dëshmi e një gazetari me integritet është zoti Demi.
Edhe ndaj tij po bëhen të gjitha presionet prej rrugeçërish që të largohet nga televizioni dhe të kontrollohet 100% nga Endi Fuga dhe Sokol Balla, dy njerëzit e Ramës dhe dora e Erion Velisë” tha ai.
